Остатоци од неандерталец пронајдени во пештера близу Рим!

Археолозите откриле остатоци од девет неандерталци во пештера недалеку од Рим, објави италијанското Министерство за култура.

Во соопштението се наведува дека остатоците се стари меѓу 50.000 и 68.000 години, а најстарите датираат од периодот од пред 90 000 до 100 000 години.

Остатоците се пронајдени во пештерите „Грота Гатари“ откриени пред повеќе од 80 години и се наоѓаат на околу 100 метри од брегот на Тиренското Море во регионот на Лацио.

Сликите објавени од Министерството за култура покажуваат коски, делови од черепот и други остатоци од телото.

Неандертал е име за посебен вид праисториски човек кој живеел во Европа и дел од Азија до пред околу 40.000 години.