Фудбалерите на ПСЖ и Башакшехир испратија антирасистичка порака пред натпреварот!

Фудбалерите на ПСЖ и Истанбул Башакшехир застанаа на колено околу центарот на игралиштето и испратија антирасистичка порака на светот пред нивниот натпревар, кој требаше да се одигра во вторник, во рамките на Лигата на Шампионите. Нејмар постигна хет-трик и ПСЖ победи со 5-1 со што се најдоа на врвот на групата.

Натпреварот беше прекинат во вторник по само неколку минути игра, откако четвртиот судија беше обвинет за користење на расистички зборови против еден од асистентите на Башакшехир, Пјер Вебо. Двете екипи го напуштија теренот и натпреварот беше одложен за во среда.