Радиоактивната прашина во Франција, пристигнала од Сахара! [ФОТО]

Радиоактивната прашина од Сахара е присутна во Франција од февруари, објави Здружението за контрола на радиоактивноста. Приливот на прашина беше предизвикан од големото невреме во Мароко, кое го зафати североисточниот дел на земјата со брзина од околу 100 километри на час.

Прашината ја донесе ветрот од пустината Сахара и предизвика скок на загадувањето во делови на јужна Европа. Научниците потврдија дека прашината е радиоактивна по земањето мостри.

Иако сегашните нивоа на зрачење не се сметаат за опасни, медиумите укажуваа на иронијата на целата ситуација – уште во 60-тите години на минатиот век, Франција спроведе неколку нуклеарни тестови во Алжир, тогаш француска колонија, што доведе до контаминација со зрачење на Сахара.