Официјално: Раиконен и Џовинаци остануваат во Алфа Ромео за 2021

Кими Раиконен и Антонио Џовинаци ќе останат во тимот на Алфа Ромео трета сезона по ред во 2021 година. Раиконен, кој на 41 година го сруши рекордот за најмногу стартови на трките, ќе ја вози својата 19та сезона како F1 возач. Џовинаци успеа да ги убеди неговите надредени да му дадат уште една шанса.

Соопштението на Алфа за продолжувањето со истите возачи стигнува ден по објавата дека Алфа ја продолжува соработката со Саубер за следната сезона. Швајцарскиот бренд Саубер го започна својот „живот“ во F1 во 1993 година.