Рашфорд им донесе радост на Црвените Ѓаволи

Маркус Рашфорд постигна одличен погодок при крајот на натпреварот против ПСЖ и го означи враќањето на Манчестер Јунајтед во Лигата на Шампионите со победа врз минатогодишните финалисти. Пред година ипол, Рашфорд успеа при крајот на мечот да ја потврди победата на Јунајтед против ПСЖ и истото му појде за рака и на овој натпревар.

Бруно Фернандеш го отвори натпреварот со пенал кој мораше да се изведе два пати и му донесе предност на Јунајтед со 1:0. Но тимот од Париз не остана без погодок откако Марсијал ја внесе топката во својот гол. Во второто полувреме Рашфорд го постави конечниот резултат од 2:1 за Манчестер.