Раководител на италијанскиот регулатор на берзата: 5.000 криптовалути се на пазарот без никаква контрола!

Тој предупреди дека во оптек има помеѓу 4.000 и 5.000 дигитални валути во светот, чие тргување воопшто не е регулирано.

Така Савона им се придружи на голем број лидери на финансиски институции кои се залагаат за поголемо регулирање на овој сегмент на пазарот, истакнувајќи дека крипто-валутите можат да олеснат нелегални активности како што се перење пари, па дури и да ја нарушат способноста на централните банки да водат монетарна политика.

„Без соодветен надзор, транспарентноста на пазарот може да се влоши, што е основа на легитимитет и рационален избор за операторите (на пазарот)“, рече Савона, претседател на италијанската комисија за пазар на капитал, Консоб, претставувајќи го годишниот извештај на надзорното тело.

Европа и Соединетите држави работат на прописи за регулирање на дигиталните средства и нивните добавувачи, бидејќи инвеститорите бараат нови основни правила.

Покрај развојот на регулаторната рамка, некои земји, вклучувајќи ги Кина, Велика Британија и Русија, размислуваат и за лансирање на сопствени централни валути.

Савона изјави дека во оптек има околу 4.000-5.000 крипто-валути за кои не постои форма на регулација.

„Ако на тоа го додадеме и неодамнешното искуство на Консонб со затворање на стотици веб-страници во Италија кои нелегално собираат заштеди, сликата станува загрижувачка“, додаде тој. Тој предупреди дека крипто-валутите може да послужат како покритие за криминални активности како што се затајување данок, перење пари, финансирање тероризам и киднапирање.

„Ако потрагата по решение на европско ниво трае премногу долго, ние (Италија) ќе мора да преземеме свои мерки“, рече Савона.