Компанија во Кина ја рекламираше својата игра создавајќи QR-код со 1500 беспилотни летала! [ВИДЕО]

Кинеската компанија за забава преку интернет Bilibil организираше визуелно шоу со 1500 беспилотни летала за да ја прослави годишнината од својата игра, објавена минатата година. Беспилотните летала, кои трансформираа многу икони од играта во визуелно шоу, создадоа и QR-код во воздухот.

Компанијата за забава преку интернет Bilibil со седиште во Шангај го привлече вниманието на социјалните мрежи со својата најнова рекламна кампања користејќи 1500 беспилотни летала. Беспилотните летала ја слават годишнината од јапонската игра со улоги „Princess Connect! Re: Dive“, која беше објавена на 15 февруари 2018 година со генерирање QR-код на небото.

QR-кодот креиран од беспилотни летала во центарот на градот ја воодушеви публиката. Кога креираниот код беше скениран, тој ги насочи гледачите кон веб-страница што ја промовира видео играта. Додека локалното население покажало голем интерес за шоуто, снимените и споделени слики привлекоа големо внимание на социјалните мрежи. Оние што ги погледнаа видеата велат дека Кина живее во иднина.