РЕКОРДНА продажба на пица, алкохол и марихуана на изборната вечер во САД!

Без оглед на политичката припадност, Американците беа обединети ноќта на изборите – под стрес, тие конзумираа натпросечни количини храна, пијалок и марихуана чекајќи го резултатот од претседателските избори.

Компанијата за испорака на алкохол Дризли соопшти дека побарувачката се зголемила за 68 проценти од претходните четири вторници. Скокнала дури 133 проценти во главниот град Вашингтон и 110 проценти во Њујорк. Потрошувачите во Лос Анџелес беа нешто поумерени – зголемување на побарувачката од само 35%.

Eaze, која продава марихуана, имаше побарувачка од 17% во Калифорнија во споредба со претходниот вторник.

Според трендовите што Гугл ги забележа во вторникот попладне, термините „пица“, „кинеска храна“, „суши“ и „мексиканска храна“ главно се гуглаат и се комбинираат со изразот „во близина“.

Фразите „брза храна во близина“ и „продавница за алкохол во близина“ поставија рекорд во Гугл, а еден од коментаторите се прашуваше како е можно по 11 месеци епидемија на вирусот корона, толку многу луѓе сè уште не го знаат тоа.

Пицерии, исто така, забележаа голем пораст на побарувачката, што се движеше до трипати поголем од бројот на нарачки во споредба со вообичаениот промет во вторникот.