Хрватскиот гигант Rimac стана мнозински сопственик на Bugatti!

Rimac Automobili објави дека ги здружиле силите со добро познатата автомобилска марка „Bugatti Automobiles“ и создадоа нова автомобилска и технолошка компанија – Bugatti Rimac d.o.o.

Во исто време, Rimac Automobili ќе стане Rimac Group, која ќе биде мнозински сопственик на новата компанија со 55% удел, додека Mate Rimac ќе биде извршен директор на таа нова компанија.

Порше ќе го задржи постојниот удел од 24 проценти во групацијата Rimac и ќе добие 45 проценти удел во новата компанија Bugatti Rimac.

Од друга страна, групацијата Rimac ќе се подели на два одделни деловни активности – новиот бизнис со хиперавтомобили и Rimac Технологија, кои ќе развиваат, произведуваат и снабдуваат системи на батерии, погони и други компоненти на ЕВ. Rimac Технологија ќе биде независна компанија која ќе соработува со многу светски производители на автомобили, смета Rimac.

Во групацијата Rimac, основачот Мате Римац ќе го задржи првичниот удел од 37 проценти, а со 24 проценти на Porsche, групацијата Hyundai Motors ќе има 12 проценти, а другите инвеститори 27 процентен удел.

Мате Римац, како извршен директор на Rimac групацијата, ќе ги предводи Bugatti Rimac и новата компанија Rimac Технологија.

Bugatti и Rimac ќе продолжат да работат како посебни брендови, задржувајќи ги постојните производствени капацитети и каналите за дистрибуција. Rimac на тој начин ќе ги задржи деловните простории на периферијата на Загреб, а производството на Bugatti ќе продолжи во Франција.