Русија забрани финансирање на масовни собири од странство!

Горниот дом на рускиот парламент, Советот на Федерацијата, усвои закон за забрана за финансирање на масовни собири од странство, според кој организаторите треба да достават извештај за изворите на средства.

Усвоениот закон забранува финансирање на јавни настани со пари од странски земји, организации, граѓани, како и од лица без државјанство, руски државјани на возраст под 16 години, странски непрофитни организации, анонимни донатори и компании регистрирани помалку од една година по трансферот на средства или имот..

„Нерегистрирани јавни здруженија и странски агенти“ исто така ќе биде забрането да одржуваат масовни настани.

Законот исто така предвидува дека организаторите на масовни настани ќе треба да објават сметка во банка наменета за примање донации, доколку на собирот се соберат над 500 учесници.