НЕ СЕ МОЖЕ БЕЗ ЕРДОГАН: Русите и Турците градат заеднички центар!

Договорено е да се воспостави заедничка контролна база за следење на стабилноста.

По потпишувањето на Меморандумот за заеднички центар за контрола на примирјето во Нагорно Карабах, делегациите на двете земји ќе разговараат за деталите на состанокот во Турција.

Според турскиот министер за надворешни работи Мевлут Вуавушоглу, руските претставници ќе пристигнат во Турција во петок.

• Сметаме дека е важен ставот на Русија во врска со прашањето Нагорно Карабах. Делегација од Русија во петок ќе дојде во Турција за да разговара за деталите во врска со воспоставувањето заеднички центар за контрола на примирјето во Нагорно Карабах, рече Чавушоглу на прес-конференција во Баку, главниот град на Азербејџан.

Вчера министрите за одбрана на Русија и Турција Сергеј Шојгу и Хулуси Акар потпишаа Меморандум за формирање на заеднички центар за контрола на примирјето во Нагорно Карабах.

Заедничкиот центар ќе се наоѓа на територијата на Азербејџан, а неговата задача ќе биде да собира и проверува информации за усогласеност со режимот на прекин на огнот. Центарот исто така ќе служи за разгледување на какви било жалби, прашања или проблеми во врска со кршење на договорот.

Претходно, водачите на Русија, Азербејџан и Ерменија се согласија да ги прекинат воените дејствија во Карабах. Според оваа изјава, борбите се прекинати од полноќ на 10 ноември, Ерменија и Азербејџан запираат на окупираните позиции и мораат да разменуваат затвореници. Покрај тоа, руски мировници се распоредени во Нагорно Карабах.

Документот потпишан на 10 ноември е четврти обид да се постигне стабилна деескалација. Претходните три беа неуспешни.

Ерменскиот премиер Никол Пашинијан го нарече овој договор исклучително тешка одлука за него. Од друга страна, претседателот на Азербејџан, Илхам Алиев смета дека потпишувањето на документот е капитулација на Ерменија. Алиев рече дека договорот е поповолен за Баку, дека воената фаза сега е завршена и можно е да се премине на политички теми.