РУСКА ДОКТОРКА: Не се плашете, секоја вакцина предизвикува одредена реакција!

Омалаксаност, замор и температура од 37 степени се нормални симптоми по примањето на вакцината за корона вирус, изјави главната докторка на руската Втора поликлиника Наталија Шидрјајева. Според неа, секоја вакцина предизвикува одредена реакција од организмот, а според тоа и вакцината против ковид го прави истото.

„Неопходно е да се набљудува состојбата на луѓето кои примиле вакцина. Како и после секое вакцинирање, така и со вакцината против Ковид-19, организмот реагира, односно постои краток период во кој можете да осетите омалаксаност, замор и температура од 37 степени. Не се плашете, бидејќи тоа е нормална реакција на организмот“ изјави докторката.