Салах позитивен на КОВИД-19!

Напаѓачот на Ливерпул Мо Салах се тестираше позитивен на коронавирусот за време на репрезентативната пауза во која патуваше за Египет. Египетската Фудбалска Федерација изјави дека во петок Салах, 28, добил позитивен тест на ковид, но не покажал никакви симптоми. Тие додадоа дека и други членови на тимот имале позитивни тестови.

Египет игра против Того во квалификациите за Африканскиот Куп на Нации денеска, а потоа повторно во вторник со истата репрезентација. Салах сега е во самоизолација и најверојатно ќе ги пропушти следните 2 натпревари на Ливерпул. Екипата од Енфилд го пречекува Лестер во следното коло, а потоа ќе игра против Аталанта во рамките на Лигата на Шампионите.