„Се е возможно“! Ѓоковиќ тргнува по останатите Гренд Слем турнири!

Новак Ѓоковиќ изјави дека се е возможно и дека ќе се обиде да направи „златен“ Гренд Слем во 2021 година откако го осовои Ролан Гарос.

Србинот, 34, ги освои двата Гренд Слем турнири оваа година, откако претходно го дигна пехарот во Австралија овој февруари. Тој ќе се обиде да ја одбрани својата титула на Вимблдон пред самиот старт на Олимписките игри.

„Во одлична позиција сум за „Златен Слем“. Се е возможно. Стигнав до работи кои многу луѓе мислеле дека се невозможни за мене да ги достигнам во минатото“ изјави победникот на Ролан Гарос, Новак Ѓоковиќ.