Ширер и Анри се првите членови во Куќата на Славните на Премиер Лигата!

Поранешниот англиски напаѓач Алан Ширер и поранешниот играч на Франција Тиери Анри беа назначени како првите членови на Куќата на Славни во англиската Премиер Лига.

Ширер го држи премиерлигашкиот рекорд за најмногу постигнати голови во историјата, 260 во клубовите Блекбурн и Њукасл. Анри е рекордер на Арсенал со 175 погодоци во 258 настапи. Во новооформената Куќа на славни ќе влезат уште шест фубалери.

Фановите ја имаат можноста да одлучат кој ќе влезе, а тие ќе избираат од листата на 23 фудбалери: Тони Адамс, Дејвид Бекам, Денис Беркамп, Сол Камбел, Ерик Кантона, Ендру Кол, Ешли Кол, Дидиер Дрогба, Лес Фердинанд, Рио Фердинанд, Роби Фаулер, Стивен Џерард, Рој Кин, Френк Лампард, Мат Ле Тисие, Мајкл Овен, Питер Шмајхел, Пол Сколс, Џон Тери, Робин ван Перси, Немања Видиќ, Патрик Виера и Иан Рајт.