Последниот документарец кој се емитува на нетфликс и се базира на вистински настан, гледачите го нарекуваат најстрашниот и најгрозоморен документарец кои го виделе.
Станува збор за документарниот филм Girl in the picture, кој раскажува за грозоморен, шокантен и тажен вистински настан во САД.
Објавен оваа недела, филмот ја раскажува приказната за Шерон Маршал, жена чиј вистински идентитет беше откриен дури по нејзината мистериозна смрт во 1990 година.
Филмот е задолжителен за љубителите на документарните филмови како „Don’t F*ck With Cats“ и „American Murder: The Family Next Door“, во режија на Скај Боргман, позната по нејзината работа на Abducted In Plain Sight.
Официјалниот синопсис за филмот гласи: „Мистериозната смрт на една млада мајка и последователното киднапирање на нејзиниот син ја разоткриваат децениската мистерија за вистинскиот идентитет на жената и убиецот бегалец во центарот на сето тоа“.
Моментално е најгледаниот филм во Велика Британија.
За филмот со денови се зборува на социјалните мрежи, а повеќето луѓе не можат ни да сфатат колку е шокантна приказната.
Откако ги гледаше настаните како се одвиваат во документарецот, еден гледач напиша на Твитер: „Ова е една од најужасните, најодвратните, ужасни работи што сум ги видел. Занемев“.
Друг корисник на Твитер коментирал: „Филмот е всушност една од најстрашните работи што сум ги видел, и секој пат кога мислев дека не може да биде полошо…тоа се случи. Се надевам дека човекот страда секоја секунда од својот живот. ”
Третиот напиша: „Филмот има толку многу пресврти и слоеви! Ова можеби е еден од најшокантните и најстрашните документарци за вистински криминал што сум ги гледал долго време!“
Ова е трејлерот, а нашиот совет е – погледнете го филмот без „Гуглање“ за деталите од приказната: