Слободен ден за жените во текот на циклусот

Шпанската влада денеска ќе го разгледа предлог-законот со кој владата сака да воведе можност жените да можат да добијат слободен ден во текот на циклусот доколку имаат проблеми.

Трошоците би биле на товар на државата, пренесуваат шпанските медиуми, а напоменуваат дека отсуството би требало да го одобри лекар доколку имаат болки.

Така, Шпанија би била првата земја во Европа што ќе даде такво право, а иницијативата за усвојување на законот ја покрена министерката за родова еднаквост, Ирене Монтеро.