Совршено кремаст и лесен – Десерт со банани и слатка павлака

Банани, бисквити и слатка павлака се добитна комбинација кога сакате умерено сладок десерт чија подготовка не бара премногу напор. Десертот со банани во чаша е крем и полн со вкус, а исто така е убав за око, па можете да го подготвите наместо традиционалните празнични колачи.

Потребни состојки:

За фил:

• 1 лажица желатин
• 2 јајца
• 10 жолчки
• 1/2 чаша шеќер во прав (ако бананите се зрели, може да ја намалите количината на шеќер)
• 2 чаши слатка павлака
• ванилин шеќер
• малку сол
• 2 банани
• 1/2 лажица сок од лимон
  Парфе:
• 1 слатка павлака
• 2 лажици шеќер
• 2 зрели банани исечени
• 2 лажици грчки јогурт
• 1/2 лажици сок од лимон
• 200 гр мелени бисквити

Начин на подготовка:

Фил:

1. Истурете една четвртина чаша вода во плитк сад, додадете желатин и почекајте 10 минути.
2. Во сад измешајте ги јајцата, жолчките и половина од шеќерот.
3. Потоа измешајте ја слатката павлака, ванилата, преостанатиот шеќер и малку сол во подлабока тава. Гответе на средна топлина помеѓу пет и седум минути, додека масата не се згусне. Постепено додавајте ги во смесата од јајца.
4. Потоа вратете ја иедначената смеса назад во тенџерето и варете ја десет минути со постојано мешање. Тргнете го од оган и додадете желатин, пире од банани и сок од лимон.
5. Чувајте го во фрижидер најмалку 3 часа.

Парфе:

За да го направите парфето, изматете ги слатката павлака и шеќерот. Во друг сад измешајте ги парчињата банана, грчки јогурт и сок од лимон, а потоа лесно промешајте со слатка павлака.

На дното на стаклениот сад , ставете ред фил, потоа мелени бисквити, потоа парфе и повторете ја постапката уште еднаш.
Остатокот од бананите искористете го за украсување, а горниот дел посипете го со мелени бисквити.