Шпанија со многу мака стигна до победа против Грузија!

Шпанската репрезентација во рамките на второто коло од квалификациите за СП 2022 се намачи да стигне до посакуваните 3 бода против аутсајдерот Грузија. Шпанците, кои не загубиле квалификациски натпревар веќе 28 години, губеа на полувремето откако Квича Кваратскелија им доенесе водство на Грузијците.

Играчот на Манчестер Сити, Феран Торес успеа да израмни во второто полувреме преку асистенцијата на Алба. Во самиот финиш на натпреварот, напаѓачот Дани Олмо успеа да го постигне победоносниот погодок на Шпанците. Во следнат рунда, Шпанија ја пречекува репрезентацијата на Косово.