Стен Ван Ганди нов тренер на Њу Орлеанс Пеликанс

Њу Орлеанс Пеликанс потпишаа договор со искусниот НБА тренер Стен Ван Ганди и тој ќе биде нивниот нов тренер за престојната сезона во најелитното кошаркарско натпреварување. Ван Ганди беше аналитичар за Turner Sports пред да стане тренер на екипата од Њу Орлеанс. 

Пред тоа Ван Ганди беше тренер во НБА и ги водеше екипите на Мајами Хит (2003-2006), Орландо Меџик (2007-2012) и Детроид Пистонс (2014-2018). Пеликанс го отпуштија тренерот Алвин Гентри уште во почетокот на Август, откако тој беше главен тренер на тимот 5 сезони.