СВЕТСКИОТ ПРВАК ЕЛИМИНРАН! Швајцарија по пенал-рулетот ја елиминираше Франција!

Репрезентацијата на Швајцарија ја победи Франција со 5: 4 (3:3) во одличен натпревар по подобро изведување пенали, и за прв пат во историјата се пласираше во четвртфиналето на Европското првенство.

Херој беше голманот Јан Сомер, кој во последната пенал серија го одбрани пеналот за Килијан Ембабе, човек кој го заврши ЕУРО без да постигне гол. Швајцарија ја доби пенал-серијата за прв пат на големи натпреварувања.

Избраниците на Владимир Петковиќ ќе се сретнат со шпанскиот тим во борбата за пласман во полуфиналето на 2 јули во Санкт Петербург, кој ја елиминираше Хрватска со 5:3 претходно денес по продолженијата.