Тарт со јаболки, ореви и цимет

Потребни состојки:

• 400 гр брашно
• 1 јајце
• 1 лажичка прашок за пециво
• 1 ванилин шеќер
• 200 гр путер (на собна температура)
• 100 гр шеќер во прав

ФИЛ:

• 100 гр шеќер
• 1 кг јаболка
• 50 гр путер
• 1 лажичка цимет
• 150 гр мелени ореви
• 50гр путер за одозгора

Начин на подготовка:

Ставете во сад, брашно, прашок за пециво, ванилин шеќер, шеќер во прав, јајце и путер исецкан на ленти. Замесете тесто (ако е ронливо). Ставете го тестото во плех за тарт. Притиснете убаво и рамномерно за да ги покриете дното и рабовите на плехот.Настрана направете смеса од мелените ореви и растопениот путер па ставете ја врз кората.Јаболките излупете ги и исецкајте ги на парчиња. Ставете ги во сад, додадете го шеќерот и циметот, измешајте убаво па почнете до редење на јаболките врз смесата од ореви и путер. Одозгора ставете од путерот на мали парченца.

Печете во рерна загреана на 180 ° C околу 35 до 40 минути.

На здравје 🙂