Тасманлиските ѓаволи истребија стадо пингвини на мал австралиски остров!

Проектот за зачувување на загрозените тасмански ѓаволи на малиот остров Мери, источно од Тасманија, излезе од контрола, бидејќи овие предатори ги збришаа популациите на пингвините, соопштија групите за зачувување на загрозените видови.

Мал број тасамански ѓаволи биле пренесени на тој остров во Австралија во 2012 година. Целта беше да се заштитат овие цицачи од смртоносниот рак на кожата што ги опфати нивните лица и ги доведе речиси до истребување.

Оттогаш тие значително се опоравија, но нивниот престој на островот има „катастрофални последици за еден или повеќе видови птици“, според локалната организација за заштита.

Населението од мали пингвини, кое броеше 3.000 парови во 2012 година, исчезна од островот.

„Има огромна загуба од 3.000 пара пингвини на островот, што е национален парк што треба да биде засолниште за видовите“, изјави локален истражувач.

Тој додава дека ваквиот исход не е изненадувачки, со оглед на студијата од 2011 година, според која населбата на тасманските ѓаволи на островот Мери ќе има негативно влијание врз малите пингвини и друг вид морска птица, што, според еден труд објавен во „Биолошки конзерваторски журнал“ , Тасманските ѓаволи „елиминираа“ минатата година.

„Многу е јасно дека тасманските ѓаволи имаа катастрофално влијание врз животната средина врз птиците на островот Мери“, изјави локален истражувач.