Elena Stojkova
Вакцината против коронавирусот на американската компанија „Модерна“ е ефикасна во 95% од случаите, покажаа тестовите, пренесува Би-Би-Си.
Компанијата „Модерна“ објави дека денес е „одличен ден“ затоа што ефикасноста на вакцината е „извонредна“, и дека ќе побараат дозвола за употреба во наредните недели, пренесуваат медиумите.
Сепак, тие предупредуваат дека ова се само рани податоци за вакцината и дека некои прашања сè уште остануваат неодговорени.
30.000 луѓе учествуваа во процесот на тестирање на вакцините. На едната половина од испитаниците им биле дадени две дози од вакцината, со разлика од четири недели, додека на другите примале лажна вакцина.
Анализата е извршена на првите 95 учесници кои пријавиле симптоми на ковид 19 и се покажало дека 90 од нив биле подложени на лажен третман.
Од испитаниците кои развиле тешка форма на ковида 19, никој не примил соодветна вакцина.
Минатата недела, компаниите „Фајзер“ и „Бионтек“ објавија дека ефикасноста на нивната вакцина против короната е нешто над 90 проценти, врз основа на резултатите од тестовите во кои учествувале 43.500 волонтери.
Еден од креаторите на вакцината „Фајзер“ против коронавирусот, Угур Шахин, вели дека благодарение на тоа откритие, животот може да се врати во нормала до следната зима.
Со официјална потврда дека друга вакцина против коронавирус е ефикасна, шансите за вакво сценарио се зголемуваат.
Компанијата „Модерна“ објави дека во наредните недели ќе побараат дозвола од регулаторите во САД за употреба на вакцината. Тие очекуваат 20 милиони дози да бидат достапни во земјата.
Тие планираат да аплицираат за дозволи и во други земји и се надеваат дека следната година ќе бидат обезбедени милијарда вакцини за употреба ширум светот.
Британската влада сè уште преговара со „Модерна“, а оваа вакцина не е една од шесте што Британците веќе ги нарачале однапред.
Повеќето земји имаат намера да им дадат приоритет на здравствените работници и најстарите граѓани за време на вакцинацијата.
Коментари
Loading…