Драматичниот натпревар помеѓу Евертон и Тотнем заврши без победник!

Во рамките на 32 коло на англиското домашно првенство, на Гудисон Парк Тотнем му гостуваше на Евертон. Натпреварот беше интересен за гледање и полн со возбуди. Екипите си ги поделија бодовите и средбата заврши со нерешен резултат 2:2.

Хари Кејн го отвори натпреварот во 27та минута, но само 4 минути подоцна, Гилфи Сигурдсон успеа да израмни од белата точка.

Во 62та минута, Евертон стигна до целосен пресврт, а Сигурдсон го постигна својот втор гол. Кратко траеше радоста на Карамелите, бидејќи Хари Кејн му донесе израмнување на Тотнем и го постави конечниот резултат на средбата.