Турција заинтересирана за производство на Руската вакцина СПУТНИК V

Турција е заинтересирана за производство на првата вакцина против корона вирусот, Спутник V, соопштија од Руското Министерство за Здравје по телефонскиот разговор помеѓу министрите на овие две земји. Русија веќе тестираше две вакцини против вирусот и на пат е да регистрира и трета. Москва ја објави вакцината за користење за нивното население иако последната фаза на тестирањето сеуште не е завршена.

„Министерот за Здравство на Турција покажа интерес за производство на новата вакцина Спутник V во производствените фармацевтски фабрики во Турција, откако ќе ги направат потребните тестови врз вакцината.“ стоеше во соопштението на Министерството за Здравство на Русија. Рускиот Министер покажа интерес за соработка и спремност да ги организира потребните тестирања за вакцината.