Украдена бројаницата што ја носела кралицата Мери кога била погубена!

Златната бројаница што ја носеше шкотската кралица Мери кога беше погубена во 1587 година, беше меѓу историските богатства вредни повеќе од милион фунти, кои беа украдени од замок на југот на Англија.

Римокатоличката Марија беше симната од шкотскиот престол, потоа затворена, обвинета за предавство и погубена по наредба на нејзиниот братучед, протестантската кралица Елизабета Прва.

Од витрина во замокот Арандел во Англија, во округот Западен Сасекс, украдени се неколку чаши користени за време на крунисувањето, како и златни и сребрени предмети.

Вработените ја откриле кражбата во петокот вечерта и полицијата пристигнала за неколку минути.

Полицијата истражува автомобил што гори, што беше откриен кратко по кражбата.

Полицијата во Сасекс соопшти дека бројаницата е неопходен дел од националното наследство.

„Украдени се разни предмети од големо историско значење“, се вели во соопштението на полицијата.