Притисок од јавноста до украинското министерство поради „скандалот“ со штиклите на парадата!

Министерството за одбрана на Украина е под притисок на другите членови на владата поради одлуката жените да носат потпетици наместо воени чизми на воената парада следниот месец.

„Целта на секоја воена парада е да се покаже способноста на армијата. „Нема место за стереотипи и сексизам“, се вели во заедничкото соопштение на трите министерства.

Во соопштението се наведува дека околу 57.000 жени ќе служат во Армијата на Украина и дека ја докажале својата вредност „не со потпетици, туку со пушки“.

Украина се подготвува да одбележи 30 години независност по распадот на СССР со парада на 24 август.

Армијата не понуди објаснување зошто жените ќе носат различни обувки од мажите.