Викендица исчезнала преку ноќ, полицијата во неверување

Монтажната куќа е украдена во Мичиген. Полицијата се сомнева дека куќата е однесена со приколка.

Полицијата трага по цела колиба која едноставно исчезнала преку ноќ во Мичиген. Властите се сомневаат дека куќата била одвлечена со приколка од крадците.

Сопственикот живеел во куќата, која е со големина на средна јахта, неколку години пред да се пресели. Меѓутоа, кога свратил на обиколка, сфатил дека таа исчезнала.

„Тоа е многу чудна ситуација“, изјави истражителот Метју Скот за локалните медиуми.

Малата куќа била монтажна кафена колиба со бела врата, бела ограда и портокалов покрив. Било утврдено дека исчезнала ноќта помеѓу 18 ноември и 16 декември.

Полицијата има список на осомничени и смета дека во кражбата учествувале две лица, но во оваа фаза од истрагата не можат да дознаат повеќе.

Кражбата на куќи е едно од најбрзо растечките кривични дела во Америка, според институциите, но не во буквална смисла.

Кражбите на недвижности најчесто се вршат преку измама со имотни листови.