Ana
СОСТОЈКИ:
– околу 1 кг. брашно
– 200 мл. млеко
– 200 мл. вода
– 100 мл. зејтин
– 25 гр. свеж квасец
– 2 јајца (едното е за премачкување)
– 1 кафена лажичка сол
– 1 лажичка шеќер
– 200 гр. кечап
– 200 гр. кашкавал
– оригано
ПОДГОТОВКА:
Измешајте го квасецот со млекото, додадете шеќер, вода, масло и едно јајце, замесете тесто, додавајќи брашно и сол.
Работната површина посипете ја со брашно и со сукало развлечете го тестото дебело 3-4 мм. Премачкајте со кечап, па одозгора изрендајте го кашкавалот и наросете со оригано.
Со лажица притиснете го сирењето да се залепи за полесно да го завиткате ролатот.
Се сече на помали парчиња и се става на подмачкан или плех обложен со хартија за печење. Јајцето изматете го со лажица масло и премачкајте го пецивото.
Вклучете ја рерната на 240 степени и печете во загреана рерна околу 15 минути.
Добивате 30-тина поголеми, а доколку ги правите за родендени или слични пригоди, направете помали парчиња.
Во тој случај ќе добиете околу 60 мини полжави.
На здравје!
