Посна бајадера

Брзо се подготвува, а вие ќе ја обожавате со кафе или чај!

Потребни состојки:

• • 800 гр шеќер
• • 1 чаша вода
• • 300 гр мелени посни бисквити
• • 300 гр мелени ореви
• • 1 маргарин
• • 2 лажици какао

Глазура:

• • 300 гр чоколадо за готвење
• • 1 лажица масло за јадење

Начин на подготовка:

Најпрво се зоврива водата и шеќерот, малку да згуснат, но не и густо како шербет. Се трга на страна и се додаваат бисквитите, оревите и маргаринот. Се меша до хомогена смеса и се дели на два дела. Во едниот дел се додава какаото.Во намрсен плех прво се става темниот слој и се израмнува, па врз него се става светлиот слој.Во меѓувреме на тивок оган го ставате чоколадото да се растопи заедно со маслото и потоа го нанесувате врз бајадерата.

Се остава во фрижидер да се стегне, потоа се сече на парчиња.

На здравје