Пилешки прсти со куркума и сусам

Пилешки прсти можете да комбинирате со зеленчук на скара.

Потребни состојки:

• бело пилешко месо (стек)
• 2 јајца
• 2 лажици брашно
• 1 лажичка куркума
• сув зачин од билки
• сол, по вкус
• 200 гр семе од сусам
• масло за пржење

Начин на подготовка:

Пилешкото бело месо исечете го на стапчиња.

Изматете јајца, додадете куркума, брашно, суви билки и сол.

Убаво измешајте сè за да нема грутки.

Истурете семе од сусам во посебен сад.

Потопете го месото во подготвената смеса, па превртете го во семе од сусам.

Пржете на врело масло по неколку минути од двете страни, се додека не добијат убава боја.

На здравје!