Протеински палачинки

Вкусни палачинки од само пет состојки.

Состојки:

• 2 поголеми јајца
• 150 грама густ јогурт
• 100 грама брашно
• 4 лажици млеко
• 1 лажичка сода бикарбона

Подготовка:

Изматете ги јајцата, па измешајте ги со јогурт и млеко.

Во друг сад измешајте ги брашното и сода бикарбоната.

Истурете ја мешавината на јајца и јогурт во брашното и мешајте додека не добиете хомогена смеса.

Одделете неколку лажици од смесата, па ставете ги на загреана тава, со или без маснотии, во форма на мал круг.

Секоја палачинка печете ја околу две минути од секоја страна додека не добие златно-кафеава боја.

Послужете сами или со овошје по желба.