Пржени мекици без квасец, полни со меурчиња: Не апсорбираат капка масло!

Одлични со ручек наместо леб, или за вечера со кајмак, крем или сирење

Состојки:

• 300 мл јогурт
• 1 лажичка сол
• 1 лажичка шеќер
• 1 лажичка сода бикарбона
• 400 гр меко брашно (малку повеќе за да ја посипете работната површина)
• масло за пржење

Подготовка:

Измешајте ги сите состојки и направете добро тесто мешајки рачно. Можете исто така да користите миксер за мешање на тестото.

Направете помали, рамномерни топчиња и оставете ги да отстојат околу 5 минути. Се сука секое топче со сукало со големина на чинија и пржете во врело, длабоко масло. Се пржат кратко од едната страна и кратко од другата страна.

На здравје!