Во Америка вакцинирани над 100 милиони луѓе!

Властите на Соединетите американски држави потврдија дека вчера ја поминале бројката на 100 милиони вакцинирани граѓани, кои примиле барем една доза од вакцината против Ковид-19.

Тоа претставува околу една третина од вкупното население на САД. Дури 58 милиони од нив ги примиле и двете потребни дози од вакцината. Од најстарите категории, лицата над 65 години, е вакцинирану дури 75% од населението. Ова е голема пресвртница на САД во борба против пандемијата.