Во Индија починало едно лице, а повеќе од 220 се разболеле од непозната болест!

Најмалку едно лице почина, а 227 од нив се хоспитализирани поради мистериозна болест што ја погоди индиската јужна држава Андра Прадеш.

Пациентите имаат повеќе симптоми, од гадење, повраќање, вртоглавица до несвестица.

Министерот за здравство рече дека сите пациенти се негативни на вирусот корона.

“Луѓето кои се разболеа одеднаш почнаа да повраќаат и се жалат на палење на очите. Некои потоа се онесвестија”, изјави еден од медицинските службеници за индискиот весник.

Седумдесет лица беа ослободени откако добија помош, додека 157 останаа во болница.

Загадувањето на водата и воздухот беа исклучени како причина за инфекцијата, а наодите во крвта на пациентите не покажаа присуство на инфекција.

BBC пишува дека експертите сè уште ја испитуваат причината за болеста што го уништи градот Елуру за време на викендот, во време кога Индија се бори со епидемијата на корона. Властите формираа специјален медицински тим за испитување на болеста.