Вернер стрелаше два пати од белата точка во победата на Челзи во Лигата на Шампионите

Челзи ја продолжи својата низа без пораз во рамките на Лигата на Шампионите откако успеаа да го совладаат тимот на Рен на Стемфорд Бриџ и останаа на врвот на својата група. Екипата на Френк Лампард, која го започна својот пат во ЛШ со натправарот без голови против Севиља и победа во гости против Краснодар, успеа да го победи и хендикепираниот Рен кој мораше да игра со црвен картон од првото полувреме.

Челзи играше без најскапото појачување од ова лето, Каи Хаверц, бидејќи Германскиот репрезентативец се тестираше позитивен за КОВИД-19 пред овој натпревар. Вернер беше стрелец на првите два погодоци од белата точка, а третиот и последен погодок на натпреварот го постигна Абрахам при асистенцијата на Рис Џејмс. Челзи покрај непоразената низа нема примено ниту еден гол во групната фаза во ЛШ досега.