Ana
Недостатокот на џебови на облеката, особено на женската облека, често може да биде „проклетството“ на модата. На женската облека најчесто се шијат „лажни“ џебови, кои служат само како моден детаљ на панталони, палта или кошули. Сепак, тие станаа сосема стандардни на фармерки и во машка и женска гардероба – два задни џебови и два напред.
Сепак, она што на многумина им е нејасно е намената на малиот џеб на фармерките. Дали некогаш сте се запрашале за што служи?
Обично е премал за монети, а текстилните експерти се обидоа да ја решат загатката. Според информациите, уште од појавата на фармерките, тој џеб е наменет за џебен часовник.
Како што пишува The Sun, малите џебови датираат од 1890 година кога биле зашиени во познатите фармерки Levi’s. Тие првично беа дизајнирани да држат џебни часовници, но бидејќи веќе не користиме џебни часовници, се поставува прашањето зошто овие мали џебови сè уште постојат.
На дизајнот се наоѓаат мали џебови во патентот направен од Леви Штраус и Џ. В. Дејвис за „Подобрувања во отворите за прицврстувачки џебови“ на 20 мај 1873 година. Сепак, тие првпат беа пуштени во употреба во 1890 година со фармерките „Lot 501“, кои станаа модел за фармерките Levis 501 што ги знаеме денес. Оттука, првично тие служеле како заштита за џебните часовници, односно биле вметнати во дизајнот на фармерките за каубојците да можат да спречат часовниците да им паднат од панталоните додека јаваат коњи и работат на ранчи.
