Ana
Ајкула му го одгриза стопалото на турист во местото Акаба во Јордан на Црното море. Застрашувачката снимка покажува дека двајца мажи лебдат над водата со падобран закачен на глисер.
Во еден момент тие најверојатно застанале за да одморат. Додека биле на површината на водата, ајкула скокнала од длабочините и го фатила еден од двајцата за нога.
Видеото е снимано во петокот, стопалото го загуби 37-годишен Јорданец. Имал искинати тетиви, мускули и скршеници на неколку коски.
Повредениот турист веднаш бил пренесен во локалната болница каде му било оперирано десното стопало. Во моментот тој се наоѓа во стабилна здравствена состојба.
Мохамад Катавне од меѓународниот нуркачки центар Акаба за локалните медиуми изјави дека нападите на ајкулите во заливот Акаба, иако се шокантни, се ретки.
„Нуркам 20 години и првпат слушам за напад на ајкула“, рече тој.
Ајкулите нападнале уште неколку лица во Црвеното Море во текот на изминатата година. Овие инциденти беа на југ, во близина на египетскиот брег.
