Ana
На Неделата на уметност во Берлин, која заврши завчера, беше претставен најскапиот тост на светот – скулптура излиена во злато вредна дури три милиони долари!
Авторот на ова парче, Тим Бенгел, искористи вистински тост од авокадо како шаблон и направи 27 три -димензионални модели на одделни парчиња сендвич – пет парчиња авокадо, пет парчиња домат, десет листови рукола, пет прстени од кромид и две половини печиво.
Потоа секое парче го излијал во 18-каратно злато и повторно го составил во сендвич. Скулптурата тежи нешто повеќе од 11 килограми, а германската галерија „Ротер“, преку која се организира продажбата, дизајнираше кутија вредна 47.000 долари за овој златен тост.
Бенгал рече дека овој „тост е статусен симбол на милениумската генерација, што претставува богатство, кондиција, статус и здрав начин на живот“.
Тој го поврза своето уметничко дело со митот за кралот Миди, кој се претвори во злато со допир, за на крајот да умре од глад.
