Шпанија го доживеа првиот пораз во 2 години

Шпанија беше поразена во гостувањето во Кијев против Украина за прв пат во скоро 2 години. Црвената Фурија имаше неколку неискористени шанси и избраниците на Шевченко го казнија тоа. Напаѓачот на Лидс Родриго имаше 2 одлични удари со глава кон противничкиот гол, но голманот Георги Бушчан беше подобар од него.

Шпанија упати 21 шута кон голот на Украинците, но ниту еден не заврши во мрежата. Сето ова Украина го казни со погодок во мрежата на Де Геа од страна на Циганков при асистенција на играчот на Вест Хем Андриј Јермоленко. 15,000 гледачи го следеа натпреварот од трибините и конечниот резултат гласеше 1:0 за домаќините.