Ana
Рецепт за старомодни гураби кои често ги правеле нашите баби, а вкусот е феноменален.
Гурабиите се слатко кое нашите мајки и баби го подготвуваа често, а покрај тоа што овој колач може да стои со денови, секогаш се фаќа и се јаде во рекордно време. Има посебен вкус кога се служи со чај.
Состојки:
250 гр путер
250 гр шеќер
3 јајца
500 гр брашно
рендана кора од лимон по желба
малку мелени ореви
Подготовка:
Се мати путерот со шеќерот додека не стане пенесто, па постепено се додаваат 2 цели јајца, а од третото само жолчката. Белките оставете ги во фрижидер за подоцна. Потоа додадете брашно во смесата. Оставете го тестото да се стегне на ладно половина час, а потоа расукајте го со сукало до 5 мм. Извадете ги бисквитите со калап, ставете ги на плех обложен со хартија за печење, премачкајте ги со белка и посипете ги со ореви. Печете 20 минути на 160 степени.
На здравје
