Претседателот на Танзанија конечно се откажа од тврдењето дека ковид-19 се лекува со молитва!

Претседателот на Танзанија конечно призна дека има проблем со вирусот корона во неговата земја, иако со месеци тврдеше дека може да се победи со молитви ковид-19.

Популистичкиот претседател Џон Магуфули апелираше до граѓаните на Танзанија да преземат заштитни мерки и да носат маски, но само оние направени во Танзанија.

Магуфули претходно јавно изрази сомневање за сите производи што доаѓаат од странство, вклучително и вакцините ковид-19.

Последните коментари и препораки на претседателот доаѓаат по еднодневна жалост за смртта на потпретседателот на полуавтономниот остров Занзибар од ковид-19.

Генералниот директор на Светската здравствена организација, Тедрос Адана Габриеус, претходно апелираше до државниот врв на Танзанија да го признае постоењето на болеста во интерес на нејзините граѓани.