Ловоровиот лист, зимзелено дрво од истоименото семејство, вообичаено се користи како додаток во јадењата, но е познат и во народната медицина по своето дејство врз здравјето.
Познато е дека тој е ефикасен за подобро варење на храната, како аналгетик, особено при болки во ушите, ревма и главоболка.
Погоден е за елиминирање на вишокот сол во организмот, многумина го применуваат како лек за намалување на стресот, но најпопуларен е како природно средство за јакнење на имунитетот, смирување на кашлицата и исфрлање на секретот од дишните патишта.
Благодарение на еугенолот, делува противвоспалително, а во минатото при настинки, грип и бронхитис се користеле облоги потопени во вода во која се варел ловоров лист.
Постојат многу начини да се користи листот од ова моќно растение, а еден од нив е чајот.
Домашен чај од ловоров лист
Состојки:
– Едно пакетче ловоров лист;
– 1,5 литри вода;
– 3 лажици мед.
Прелијте го ловоровиот лист со вода, па оставете да отстои околу половина час. Потоа варете ја и оставете ја водата да врие околу пет минути, па тргнете го садот од оган. Оставете да се излади околу 40 минути, па извадете ги ливчињата и додадете мед.