НЕПРОМИСЛЕНА ОДЛУКА? На повеќето луѓе во Тексас ќе им биде дозволено да носат скриен пиштол без дозвола!

Пратениците во американската држава Тексас го усвоија предлог-законот што ќе им овозможи на повеќето луѓе да носат скриен пиштол без дозвола.

Според сегашниот закон во Тексас, носачите на оружје мора да имаат дозвола, завршена обука и проверка на полициските записи.

Сепак, Сенатот со мнозинство републиканци во Тексас гласаше за укинување на овие ограничувачки мерки.

Предлог-законот сега е испратен до гувернерот Грег Абот, кој најави дека ќе го потпише актот и покрај предупредувањата од организациите за контрола на оружјето дека ќе ја загрози јавноста.

Во Тексас, прописите за носење оружје се веќе меѓу најблагите во Соединетите држави, а на јавноста и е дозволено да носи пушка без дозвола.

Според новите регулативи, секој над 21 година ќе може да носи пиштол, освен ако не биде гонет или забранет да поседува оружје.