Се стравува дека околу 150 лица загинаа во Индија кога дел од глечерот од Хималаите се распадна и погоди брана, предизвикувајќи поплави.
Локалното население од северот на оваа земја мораше да биде евакуирано.
„Точниот број на мртви сè уште не е потврден, но се плашиме дека има меѓу 100 и 150 мртви“, изјави локалната полиција.
Очевидец рече дека видел ѕид од прашина, камења и вода, кога лавина се упатила по долината.
“Сè се случи многу брзо, немаше време некој да биде информиран. И мислев дека таа маса ќе ме одведе”, изјави еден жител.
Жителите стравуваат дека биле убиени луѓе кои работеле на изградба на блиска хидроцентрала, како и луѓе од блиското село кои воделе добиток кон реката.
Коментари
Loading…