Ливерпул го купува Алкантара

Ливерпул се согласи да плати 20 милиони (плус бонуси) на Бајерн Минхен за играчот за врска – Тиаго Алкантара. Тиаго, 29, се приклучи на германскиот тим од Барселона во 2013 и играше за Бајерн 7 години. Сега тој потпиша 4 годишен договор со Ливерпул и ќе го носи бројот 6 на неговиот дрес.

Ова е второ појачување на минатогодишниот шампион на Премиер Лигата, откако минатиот месец го потпишаа левиот бек Костас Цимикас од Грција. За трансферот на Тиаго, тренерот на Бајерн Ханси Глик изјави: 

Тиаго е многу добар играч кој достигна голем успех овде минатите 7 години. Тој е голем човек и добар фудбалер. Беше тешко да се збогувам со него.