Ana
Шамарот на Вил Смит за одбрана на неговата сопруга Џеда Пинкет, жртва на шега за нејзината алопеција, беше еден од најкоментираните моменти на Оскарите во 2022 година.
Што точно е алопеција и кои се причините за ова заболување?
Заболување кое ги погодува и жените
Иако опаѓањето на косата е проблем кој главно ги погодува мажите, алопеција е болест која може да ги зафати и жените.
Постојат неколку видови на алопеција. Првата можна разлика е помеѓу андрогена алопеција (ќелавост, опаѓање на косата што влијае на околу 80% од мажите) и алопеција ареата, автоимуна болест специфична за органите: имунолошкиот систем дава самоиндуциран воспалителен одговор односно губење на косата.
Алопеција ареата типично се карактеризира со ненадејно губење на косата во мали, кружни прамени.
Тоа носи промена во физичкиот изглед која често е извор на вознемиреност и непријатност, толку многу што има силно влијание врз квалитетот на животот на луѓето кои страдаат од неа, особено кога се работи за жени.
Причини и фактори на ризик
Причините кои можат да предизвикаат алопеција се многубројни: генетски; хормонални (на пр. при заболување на тироидната жлезда); нутритивни (разредувањето на косата многу често може да биде резултат на недостаток на важни нутриенти, како во случајот со анорексија); психолошки (продолжени периоди на стрес предизвикани од траума или депресија); хемиско-фармаколошки (силни хемиско-фармаколошки третмани како што е хемотерапијата).
Уште при првите симптоми ако забележите ненадејно опаѓање на косата, повисоко од нормалното, важно е што поскоро да се јавите кај дерматолог за правилно да се дијагностицира алопецијата и да се идентификува најсоодветниот третман.
Дијагноза
Дијагнозата е главно клиничка, базирана на точна медицинска историја на пациентот и некои дијагностички тестови. Тестовите на крвта, трихоскопија (или дерматоскопија на скалпот, брз и неинвазивен преглед) и конфокална микроскопија се многу корисни. Во одредени случаи, може да биде потребена и биопсија на скалпот и хистолошки преглед.
Третмани
Третманите се разликуваат во зависност од причината што го предизвикала проблемот. Многу често е потребно да се интервенира бидејќи не се чести случаите во кои проблемот спонтано се решава. Особено, ако постои органски проблем кој лежи во основата на нарушувањето, може да биде потребна и локална и системска терапија со лекови. Покрај тоа, и локалните третмани можат да бидат многу корисни.
