Цариниците на САД запленија дрога скриена во кикирики!

Граничната контрола на Соединетите американски држави заплени 500 грама метамфетамин скриен во илјадници лушпи од кикирики.

Нарко картелите често пати наоѓаат креативни решенија да ги пренесат своите производи во државите. Неодамна беа пронајдени наркотични средства во бурито и во житарици, но сега тие се надминаа себеси.

Цариниците во сојузната држава Тенеси пронајдоа дрога скриена во кикирики. Пратката пристигнала од Мексико и на нејзе пишувало „локални органски кикирики“. Но се испоставило дека кикириките биле наполнети со 500 грама кристална дрога метамфетамин.