Уживајте во омилениот пијалок: Како да направите пена од млеко без користење машина за кафе?

Нека вашето уживање во омилениот црн пијалок биде уште поцелосно – додадете во чаша кафе домашна млечна пена.

Потребно ви е млеко, мала тегла со капак и микробранова печка.

Истурете во теглата млеко колку што пиете со кафе. Сепак, не дозволувајте млекото да надмине половина од теглата за да оставите доволно простор за пена. Потоа затворете го капакот, и протресете ја теглата со млеко со сета сила. Протресете околу 30 секунди. Потоа извадете го капакот и загрејте ја теглата со млеко во микробранова печка уште 30 секунди. Пената ќе се крене, но топлината на микробрановата печка ќе ја стабилизира.

Истурете го млекото во шолјата над кафето, држејќи ја пената со лажица, која подоцна ќе ја ставите над врелиот пијалок.

На здравје!